आईएफ़बी मध्ये साजरा केला रस्ते सुरक्षा अभियान २०२५
.jpg)
शिरूर प्रतिनिधी -आईएफबी रेफ्रिजरेशन लिमिटेड रांजणगाव फेज ३ पुणे कंपनीने पोलिस स्टेशन,शिरूर व महामार्ग पोलीस पथक शिक्रापुर यांच्या संयुक्त विद्यमाने रस्ते सुरक्षा अभियान साजरा केला, या अभियान अंतर्गत विविध प्रकारचे उपक्रम राबवले गेले.
शिरूर पोलीस स्टेशन चे पोलीस इन्स्पेक्टर श्री संदेश केंजळे साहेबांनी व श्री राजेंद्र पवार सहायक पोलिस निरीक्षक महामार्ग सुरक्षा पथक यांनी कंपनीतील अधिकारी वर्गाला रस्ता सुरक्षा विषयी प्रशिक्षण दिले , कंपनीचे प्लांट हेड श्री वेंकटा मडाला,प्रोडक्शन हेड अविनाश हमदापुरकर व मानव संसाधन प्रमुख श्री काशीराम मेस्त्री सरांनी रस्ता सुरक्षा मोहीम राबवण्यासाठी प्रोत्साहन दिले.
कंपनीचे अधिकारी वर्ग, महामार्ग सुरक्षा पथक चे व शिरूर ट्रॅफिक पोलीस कर्मचारी यांनी न्हावरे फाटा, शिरूर येथे सामान्य नागरिका साठी रस्ता सुरक्षा विषयी जनजागृती केली , या कार्यक्रमासाठी श्री राजेंद्र पवार सहायक पोलिस निरीक्षक महामार्ग सुरक्षा पथक, आयएफबी चे सेफ्टी मॅनेजर श्री संतोष निंबाळकर, सचिन कर्डीले व योगेश मोरे व काही अधिकारी उपस्थित होते,यांनी सर्व सहभागींना रहदारी नियमांचे पालन करण्याचे आणि सुरक्षितपणे वाहन चालविण्याचे आवाहन केले.
तसेच कंपनी ने महामार्ग सुरक्षा पथक व पुणे ब्लड सेंटर यांच्या संयुक्त विद्यमाने कंपनीमध्ये रक्तदान शिबिर आयोजित केले.याचे उद्घाटनासाठी श्री विक्रांत देशमुख पोलीस अधीक्षक व श्री राजेंद्र पवार सहायक पोलीस निरीक्षक महामार्ग पोलीस उपस्थित होते, रक्तदान शिबिराला कंपनी मधल्या अधिकारी व कामगार वर्गानी खूप चांगला प्रतिसाद दिला व शिबिरामध्ये रक्तदानाची शंभरी पार करत शिबिर यशस्वी पार पाड़ले.