शिरूरचे शिवसेना नेते ज्ञानेश्वर (माऊली) आबा कटके यांचा अजित पवार यांच्या राष्ट्रवादीत प्रवेश
हवेली प्रतिनिधी (सुदर्शन दरेकर)-
विधानसभा निवडणुकीच्या तोंडावर शिवसेनेचे पुणे जिल्हाध्यक्ष ज्ञानेश्वर (माऊली) आबा कटके यांनी आज अजित पवार यांच्या राष्ट्रवादी काँग्रेसमध्ये प्रवेश केला. बारामतीत राष्ट्रवादीचे राष्ट्रीय अध्यक्ष अजित पवार आणि प्रदेशाध्यक्ष सुनील तटकरे यांच्या उपस्थितीत त्यांनी आपल्या प्रमुख कार्यकर्त्यांसह राष्ट्रवादीत प्रवेश केला. शिरूर विधानसभा मतदारसंघाचे निवडणूक समन्वयक, बांधकाम विभाग-पुणे जिल्हा परिषदेचे सदस्य आणि पुणे जिल्हा परिषदेचे सदस्य म्हणून त्यांनी काम पाहिले आहे.
पुणे जिल्ह्यातील शिरूर विधानसभा मतदारसंघ हा जिल्ह्यातील महत्त्वाचा विधानसभा मतदारसंघ मानला जातो. ज्ञानेश्वर (माऊली) आबा कटके यांचा प्रवेश हा उद्धव ठाकरे यांच्या शिवसेनेसाठी मोठा धक्का मानला जात आहे.
पक्षप्रवेशावेळी राष्ट्रवादी काँगेस शिरूर तालुका अध्यक्ष रवि काळे, शिरूर कृषी उत्पन्न बाजार समिती माजी सभापती शशिकांत दसगुडे, हवेली तालुका अध्यक्ष दिलीप वाल्हेकर,कोलवडीचे सरपंच विनायक (भाऊ) गायकवाड,उपसरपंच नाना गुलाब गायकवाड,पेठगावचे सरपंच सूरज भालचंद्र चौधरी, नायगावचे सरपंच,गणेश गुलाब चौधरी, नायगावचे मा.ग्रामपंचायत सदस्य संतोष विठ्ठल हगवणे, पेठगावचे उद्योजक सुजित वसंत चौधरी, नायगावच्या ग्रामपंचायत पतसंस्थेचे चेअरमन सुनिल बजरंग हगवणे, वडगावचे ग्रामपंचायत सदस्य रविंद्र (काका) शेलार,उद्योजक प्रतिक पांडुरंग चौधरी, शिवाजी उत्तम चौधरी,शिरूर हवेली येथील हजारो कार्यकर्ते यांनी राष्ट्रवादी काँग्रेस पार्टीत प्रवेश केला.